കെടാമംഗലം ഇല്ലത്തുലക്ഷംവീട്ടില്‍ സുരേഷിന്റെയും മിനിയുടെയും പുത്രനായ അതുല്‍ കൃഷ്ണയുടെ പിറന്നാളാഘോഷമാണ് സഹപാഠികളും, അദ്ധ്യാപകരും, ജനപ്രതിനിധികളും നാട്ടുകാരും ആശാവര്‍ക്കര്‍മാരും ചേര്‍ന്ന് അതുലിന്റെ വീട്ടില്‍ ആഘോഷിച്ചത്.പറവൂര്‍ എസ് എന്‍ വി സംസ്കൃത ഹയര്‍സെക്കന്ററി സ്ക്കൂളില്‍ ഏഴാംക്ലാസ്സിലാണ് അതുല്‍ കൃഷ്ണ പഠിക്കുന്നതെങ്കിലും സെറിബ്രല്‍ പാഴ്സി മൂലം കിടപ്പായതിനാല്‍ സ്ക്കൂളില്‍ വരാന്‍ കഴിയില്ല. 7ഡിയിലെ എല്ലാ കുട്ടികളും അധ്യാപകരും വീട്ടിലെത്തി കേക്ക് മുറിച്ചു, പാട്ടുപാടി , പിറന്നാള്‍ സമ്മാനങ്ങള്‍ നല്‍കി സ്നേഹം പങ്കുവെച്ചു. ശാരീരിക വെല്ലുവിളികള്‍ നേരിടുന്ന കുട്ടികളെ അവരുടെ വീട്ടില്‍ ചെന്ന് അവരുടെ മാനസികവും ശാരീരികവുമായി വളര്‍ച്ച ലക്ഷ്യം വച്ചുകൊണ്ട് സമഗ്രശിക്ഷയുടെ ആഭിമുഖ്യത്തില്‍ കേരള സര്‍ക്കാര്‍ നടത്തുന്ന പരിപാടിയാണ് ചങ്ങാതിക്കൂട്ടം. ഹെഡ്മിസ്ട്രസ് പി ആര്‍ ലത, ക്ലാസ്സ് ടീച്ചര്‍ ജിധിമോള്‍, റിസോഴ്സ് ടീച്ചര്‍ മേരി ഫിജി, വാര്‍ഡ് മെമ്പര്‍ ഷീബ സൈലേഷ്, ക്ലാസ്സ് ലീഡര്‍ മാളവിക ലൈഗോഷ് എന്നിവര്‍ പരിപാടിക്ക് നേതൃത്വം നല്‍കി.
No comments:
Post a Comment